世界領袖：保護一半地球

「 我哋呼籲你實現現有嘅保護生物多樣性嘅目標，同埋達成一項保護最少五成地球嘅新協定，令到50%嘅土地同海洋得到滋養、保護同恢復原貌，並且確保可以持續管理地球。呢啲都係要考慮埋人類發展嘅需要，同埋得到原住民積極支持同帶領。」

有關呢個行動更多資訊：

就嚟有一百萬個物種會喺地球上消失，其中好多喺幾十年之內，就會絕種 -- 而家生物絕種嘅速度，已經同恐龍消失時代一樣快 -- 咁樣係因為人類不斷向大自然呢棵生命之樹揮動鋸刀。

除非我哋立即採取行動，阻止呢個悲劇發生，否則人類同地球之間嘅脆弱平衡，將會完全崩潰，地球會變得死寂，唔再適合我哋居住。 但係事情仍然有希望 -- 世界頂尖科學家支持緊一個雄心勃勃嘅計劃，要保護一半地球 ，重建同我哋呢個屋企嘅和諧。

各國政府而家開緊會 ，討論點樣處理呢個危機。如果我哋動員到強大嘅聲音，支持呢個「保護一半地球」計劃，就可以推動各國政府採取行動，停止下一波大量生物絕種。